Que é e para que serve?

O sistema SOROLLA2 oriéntase a facilitar a xestión económico-orzamentaria que se realiza nos centros xestores do gasto da Administración Xeral do Estado, os seus Organismos Autónomos e outros Entes Públicos con Orzamento limitativo que axusten as súas operacións ao Plan Xeral de Contabilidade Pública.

Trátase dunha solución ofrecida pola Intervención Xeral da Administración do Estado aos Centros xestores do gasto, co ánimo de favorecer a normalización dos procedementos de xestión orzamentaria.

O obxectivo do sistema é facilitar a xestión administrativa e contable das dotacións orzamentarias ao seu cargo, servindo de rexistro e arquivo das operacións (administrativas ou contables) realizadas, sendo o punto de información da situación de cada unha das actuacións de xestión e proporcionando o avance da execución orzamentaria.

Eixos principais de SOROLLA2

Arquitectura web con servizo centralizado de hospedaxe no IGAE.
Sistema integrado, orientado á tramitación electrónica nativa de expedientes de gasto de pago directo, de pagos a xustificar e de anticipos de caixa fixa.
Compromiso coa herdanza da primeira xeración do sistema (SOROLLA) en canto á simplicidade do modelo, sen prexuízo de asumir prestacións funcionais adicionais.
Adaptación á nova normativa contable e incorporación das prestacións derivadas do novo sistema contable, garantindo a interoperabilidade con SIC’3.
Interoperabilidade con outras aplicacións dentro do marco de xestión e control: IRIS, CANOA, portafirmas (Docelweb e outros), COREnet.
Interoperabilidade con outras plataformas externas específicas: Plataforma de Contratación do Sector Público, Rexistro de Contratos do Sector Público, Tribunal de Contas, Subministración Inmediata de Información.
Interoperabilidade xeral con outras aplicacións externas a través de servizos web (API SOROLLA2).
Orientación do sistema como normalizador dos procedementos asociados á xestión económico-orzamentaria das entidades públicas administrativas.

Estrutura modular de SOROLLA2

Módulo para a tramitación de expedientes de gasto de contratación e subvencións.
Módulo para a xestión e contabilidade dos caixeiros pagadores, incluíndo a xestión de comisións de servizo.
Módulo para a xestión do inventario de bens mobles e daqueloutros bens e dereitos cuxa xestión corresponda a departamentos ministeriais ou organismos autónomos, de acordo co art. 33 da Lei 33/2003 de Patrimonio das AA.PP.
Módulo de seguimento da execución orzamentaria e de xeración dos documentos contables, tanto en soporte electrónico como en papel.