O sistema informático CoFFEE-IEC dá servizo integral á xestión dos Fondos Comunitarios no período 2021-2027, baseándose en tres alicerces funcionais: Xestión, Certificación (Pagos) e Auditoría (Control). Vén ser, por tanto, unha versión actualizada do sistema Fondos 2020.
O novo sistema ademais de incorporar os procedementos preexistentes coas modificacións que sufrisen, incorporará conceptos relacionados coa Administración Electrónica:
- Captura de toda a información esixida pola Comisión para a presentación e posterior aprobación de todos os programas operativos. Como novidade toda esta información será estruturada non permitíndose achegar ningún tipo de documento non estruturado (salvo como explicación complementaria).
- Captura e mantemento da información relativa ás liñas de actuación de cada programa operativa. Esta información servirá como base para a elaboración dos PO.
- Intercambio de información co sistema de información comunitario (SFC 2021). Efectuarase mediante servizos web establecidos polo este sistema. Este intercambio incluirá toda a información que é necesaria achegar para a aprobación dos programas operativos.
- Intercambio de información cos sistemas de información doutros organismos involucrados na xestión. Efectuarase mediante servizos web proporcionados por CoFFEE-IEC.
- Procedemento de tramitación electrónica de propostas de pagos. Para ese efecto, utilizaranse os servizos proporcionados por Certex.