Como se solicita?

O titular do órgano xestor deberá notificarlle ao interventor delegado correspondente o seu interese na utilización da aplicación IRIS para a remisión de documentos electrónicos á Intervención Delegada. Ao mesmo tempo, indicará a unidade ou unidades de tramitación previstas para a remisión destes documentos á intervención, a través da aplicación IRIS.

A solicitude de accesos a esta aplicación efectuarase segundo o indicado na Resolución do 27.02.09, da Secretaría de Estado de Facenda e Orzamentos, pola que se regula a política de seguridade dos sistemas de información da Secretaría Xeral de Orzamentos e Gastos e da Intervención Xeral da Administración do Estado.

As solicitudes de alta de novos usuarios externos para esta aplicación deberán tramitarse de acordo co procedemento descrito na páxina de Control de accesos, á que se accede a través da sección "Oficina virtual" deste portal.

No documento adxunto, descríbese o proceso completo da solicitude polo órgano xestor da utilización do procedemento de remisión telemática de documentación para a fiscalización, e da solicitude de acceso á aplicación IRIS-Envíos polos usuarios das unidades de tramitación implicadas do órgano xestor. Neste documento pode atopar, no anexo I, un formulario para facilitar a notificación do órgano xestor á correspondente Intervención ou á S. X. de Intervención e Fiscalización, segundo corresponda, para a utilización do procedemento de tramitación electrónica de expedientes.

Solicitud por el gestor del procedimiento de remisión telemática de documentación electrónica a la IGAE y sus intervenciones delegadas, a efectos de fiscalización.