Formatos dos documentos

Os documentos electrónicos dos expedientes de gasto remitiranse á Intervención Delegada, rexional ou territorial, ou á S. X. de Intervención e Fiscalización, segundo se trate, respectivamente, do sistema IRIS Envíos–Intervencións Delegadas ou do sistema IRIS Envíos–S. X. de Intervención e Fiscalización, para o que se ha incorporar, de ser o caso, a sinatura electrónica recoñecida nos termos establecidos pola Lei 59/2003.

Os formatos admitidos dos documentos electrónicos serán:

PDF. Compatibles coa última versión da especificación.
TELCON Para documentos contables, de acordo coas especificacións establecidas para o efecto na Instrución de operatoria contable para a Administración xeral do Estado.
TXT. Texto plano para documentos sen formato.
HTML 4.01. Documentos con formato.
XML. Para documentos estruturados.
DOC. Compatible coa versión Microsoft Office 2003 (sen macros).
ZIP. Formato de compresión para algún dos formatos anteriores.

A notificación e os informes resultado da fiscalización dos expedientes pola Intervención Delegada, rexional, territorial, ou pola Subdirección Xeral de Intervención e Fiscalización poranse á disposición do centro xestor a través do sistema IRIS, nun dos formatos mencionados anteriormente, para que poidan ser descargados por este último.

A sinatura electrónica recoñecida daqueles documentos que a incorporen será conforme á especificación ETSI TS 101 903.