Kanpoko Zerbitzuek aldian-aldian bidaltzen dituzten altxortegiko kudeaketa-kontuetan gauzatzen dira diru-sarrera lotuak, eta diru-sarrera horien sailkapen bat egiten da ((sarrera-kontzeptuen arabera).
Diru-sarrera horiek CIEXT_OOAA moduluan erregistratu behar ditu Kontabilitate Bulegoak. Horretarako, dagokion kanpo-ordezkaritzaren diru-sarreren datuak eta zenbatekoak sartu behar ditu, kontzeptuka eta egoera-monetan (kanpo-zerbitzu bakoitzak egoera-moneta bat erabili behar du).
Gastuaren Kudeatzaileek funts berriak igorri nahi dituztenean, sisteman sartu behar dute kontsultatzeko zer diru-sarrerak dituzten konpentsatzeko, eta, hala badagokio, erreserba bat egin behar dute oraindik erreserbatu gabeko diru-sarreren gainean. Erreserba-prozesuan, lehentasun bat ezarri behar zaio diru-sarrera kontzeptu bakoitzari , eta kontzeptu bakoitzaren barruan, zaharrenak agortu behar dira lehenbizi.
Kontabilitate Bulegoak egiaztatu behar du erreserba igorpenaren kontabilitate-dokumentuan jasotako kondizio beretan egin zela, eta, horretarako, sisteman erregistratuta geratu ziren erreserbaren datuetara sartu behar du erreserba-zenbakiaren bidez. Kontabilitate-dokumentua SIC aplikazioan kontabilizatu eta gero, informazioa eguneratu behar da diru-sarrera erreserbatuak konpentsatutara pasatuz.
Bestalde, litekeena da diru-sarrerak handiak izatea, eta horien zenbateko osoa konpentsatzerik ez izatea. Kasu horretan, eta Kanpoko Zerbitzuei eman zaizkien jarraibideen arabera, diru-sarrerak Erakundearen kontura transferitu behar dituzte Zerbitzuek. Funtsak eta eraginpean hartutako diru-sarreren kontzeptuei buruzko informazioa jaso eta gero, sisteman erregistratutako informazioa eguneratu behar du Kontabilitate Bulegoak, eta konpentsatzeke dauden diru-sarrerak, dagozkionak, indargabetu behar ditu.