Cooperación Territorial Europea

A iniciativa comunitaria de Cooperación Territorial Europea ou INTERREG deseñouse co obxectivo de que as fronteiras nacionais non fosen un obstáculo nin ao desenvolvemento equilibrado nin á integración do territorio europeo. Perseguía, tamén, unha acción integrada de face ao desenvolvemento económico e á cohesión económica e social. Finánciase a través do Fondo Europeo de Desenvolvemento Rexional articulándose nunha serie de Programas Operativos que funcionan en réxime de cofinanciamento, con subvencións a fondo perdido aprobadas para unha serie de proxectos (operacións) que se transfiren ao beneficiario unha vez que este demostra o desembolso da cantidade aprobada e nos termos establecidos.

A porcentaxe de cofinanciamento alcanza un máximo do 85%, aínda que se negocia por Programa Operativo en cada caso.

Os beneficiarios han de ser, polo menos, de dous países participantes, dos que un debe proceder dun Estado membro. Unha operación poderá levar a cabo nun único país, sempre que se determinen as súas repercusións e beneficios transfronteirizos ou transnacionales.

Os beneficiarios poden ser:

Organismos públicos.
Entidades equivalentes a públicas (demostrar o seu carácter público: suxeito ao dereito público e participación pública non menor do 50%).
Organizacións sen ánimo de lucro como universidades, ONGs ou fundacións.
Sector privado: PEMES.