O sistema de información XEStión de FICHerios (XESFICH) permite o envío e a recepción a través de internet de ficheiros de gran capacidade e volume entre usuarios coñecidos e previamente dados de alta. O tráfico de datos (normalmente en ficheiros comprimidos previamente polo propio sistema de información) entre usuarios realízase de maneira segura en sesións SSL e utilízase o correo electrónico como sistema para avisar da recepción dalgún ficheiro. Pola capacidade e o volume dos ficheiros o seu envío sería imposible a través dos medios habituais (correo electrónico).
Este sistema de información púxose en funcionamento para evitar a xeración de soportes físicos de datos (cintas, CD, DVD) de pensións ou pensionistas de clases pasivas do Estado, así como o seu posterior transporte e entrega ao usuario final (normalmente, terceiras persoas encargadas da manipulación dos datos para confeccionar documentación de carácter masivo) e a súa substitución polo envío a través de internet da mesma información, garantindo en todo momento a identidade do receptor.
A seguridade está garantida mediante a utilización de certificados electrónicos como medios de identificación, así como a necesidade previa de autorización como usuario do sistema.
O acceso a este sistema de información desde internet realízase a través do escritorio personalizado de sistemas de información.