A funcionalidade xeral proporcionada por este sistema é a seguinte:
- Elaboración de proxectos. Permite a captura de toda a información que os xestores consideran necesaria para a solicitude dos proxectos ou grupos de proxectos. Nela destacan pola súa importancia: EO plan financeiro, os custos, os indicadores físicos, calendario de execución, impacto ambiental e rexionalización.
- Solicitude de proxectos. Permite capturar o proceso de aprobación (decisión comunitaria) dun proxecto ou grupo de proxectos rexistrando o conxunto de datas e datos significativos, así como calquera rexistro sobre información complementaria solicitada pola Unión Europea.
- Xestión das modificacións dos proxectos. Permite rexistrar toda clase de cambios de estado que poidan suceder na vida dun proxecto desde os seus trámites previos ata que é completado. Achegando o control necesario para trazar a pista a todas as modificacións e o estado dos proxectos do seu ciclo de vida.
- Xestión das tarefas específicas da execución dos proxectos (aprobación, compromisos, cálculo de solicitudes de pago, cálculo das ordes de transferencias, certificacións) e a emisión dos correspondentes documentos de carácter oficial. Trátase do núcleo fundamental do sistema, xa que facilita a xestión dos fluxos de Tesourería existentes.
- Xestión dos controis realizados aos diferentes proxectos, así como das correccións financeiras que poidan xurdir destes. Esta funcionalidade encóntrase ligada á xestión da execución, de forma que a execución está condicionada nalgúns aspectos aos resultados dos controis efectuados sobre os proxectos.
- Xestión completa dos comités de seguimento: Permite a apertura do comité de seguimento, xeración de fichas, captura da información por diversos medios (intranet, internet, manualmente ou mediante carga de ficheiros), control da calidade da información do comité e a xeración dos libros do comité.
- Consultas analíticas (sistema de información GAUDÍ) e listaxes.
- Adicionalmente, proporciónase un módulo de administración do sistema.
O nivel de acceso á información e as posibilidades de operación que se lle permiten a cada un dos usuarios pódense definir a gran nivel de detalle, o que permite controlar especificamente as posibilidades asignadas a cada un deles.