Egungo bertsioak makrofuntzionalitate hauek eskaintzen ditu oso modu sintetikoan:
Ondasun higiezinak mantentzea eta kontsultatzea
Informazio-sistemak ondasun higiezinei buruzko datu asko ditu. Ondasun higiezin horietako bakoitzari buruz (milaka daude) askotariko informazioa du; esate baterako, hauek:
- Ondasunaren kokapena
- Ezaugarri fisikoak
- Hirigintza-ezaugarriak
- Datu katastralak
- Erregistro-datuak
- Kontabilitate-zenbatespena eta metatutako amortizazioa, edozein datatakoa
- Balioztatzeak
- Erabiltzaileak eta erabiltzaileko azalera
Datu horiek eguneratu eta kontsultatzeko behar diren funtzionalitateak ditu informazio-sistemak. Ondasunak geoerreferentziarekin ere kontsulta daitezke EGEO sistemaren bidez.
Ondasun higiezinen irudiak mantentzea eta kontsultatzea
Informazio-sistemak informazio dokumental zabala du: eskriturak, planoak, argazkiak, ziurtagiriak… eta interesgarritzat jotzen den edozein dokumentu. Atxikitako irudiek luzapen hauetako bat izan behar dute: jpg edo tif.
Ondasun guztiek informazio hori dute atxikita. Datu horiek eguneratu eta kontsultatzeko behar diren funtzionalitateak ditu informazio-sistemak.
Ondasun higiezinei buruzko inbentario-eragiketak mantentzea eta kontsultatzea
Informazio-sistemak beste datu-multzo bat du, non ondasunei buruzko "inbentario-eragiketa" guztiak gordetzen diren.
Inbentario-eragiketa esaten zaio alderdi hauetakoren batean eragina duen ondare-kudeaketarako jarduerari:
- Tituluen eta erabiltzaileen guztizko azalera.
- Eragiketarekin lotutako hirugarrenak
- Erregistro-finkak eta haiekin lotutako kargak
- Ondasunen egoera juridikoa aldatzen duten dokumentuak
- Titulu eta erabiltzaileekin lotutako kontabilitate-balioak eta pilatutako amortizazioa
Hauek dira inbentario-eragiketen adibide batzuk:
- Guztizko edo zatikako besterentzea
- Ondasun berrien eskuratzea
- Ondasunen guztizko edo zatikako trukea
- Ondasun baten errentamendua
- Ondasunaren mutazio demaniala (guztizkoa edo zatikakoa)
- Ondasunaren eraikuntza
Ondasunen katalogoarekin gertatzen den bezala, datu horiek eguneratzeko eta kontsultatzeko behar diren funtzionalitateak ditu informazio-sistemak ere.
Espedienteak mantentzea eta kontsultatzea
Informazio-sistemak beste datu-multzo bat du, non ondasunei buruzko "espediente" guztiak gordetzen diren.
"Espediente" deitzen zaio inbentariatuta dauden edo inbentariora sar daitezkeen ondasunetan eragina duen ondare-kudeaketarako jarduerari.
Hauek dira espedienteen adibide batzuk:
- Erosketak
- Besterentzeak
- Errentamenduak
- Ondare-defentsa
- Kudeaketa eta administrazioa
- Lagapenak eta lehengoratzeak
- Ondare-ikerketa
- Trukeak
- Aurretiko diligentziak
Ondasunen katalogoarekin gertatzen den bezala, espedienteen datuak eguneratzeko eta kontsultatzeko behar diren funtzionalitateak ditu informazio-sistemak ere. Espedienteetako dokumentuetan irudiak badaude, txantiloiekin automatikoki barne hartzeko baliabideak emango dira, baita sinadura elektronikoa egiteko ere DocelWeb sinadura-karpetaren bidez.
Kontabilitateko idazpenen eta amortizazio-kalkuluen sorkuntza automatikoa
Inbentario-eragiketa batzuek kontabilitate-inplikazioa dute. Informazio-sistemak automatikoki sortzen ditu idazpen horiek, erabiltzailearekiko gardentasunez. Sistemak, halaber, kontabilitate-ekitaldi bakoitzeko ondasun-amortizazioen kalkulua egiteko funtzionalitatea du.
Informazio hori guztia kontabilitatearen informazio-sistemara (SIC'2) bidaltzen da, automatikoki, edo eskaera jasotakoan. Bestalde, SIC'2ak ondasunaren balioa handitzen duten gastuen aurrekontuaren (aitortutako obligazioak) eragiketei buruzko informazioa bidaltzen dio CIBIri, hark behar bezala kontabiliza ditzan.