SARRERA.
2020 sistema informatikoak 2014-2020 aldiko Erkidegoko Funtsen kudeaketari osoko zerbitzua ematen dio, funtsezko hiru oinarri kontuan hartuta: Kudeaketa, Ziurtagiriak (Ordainketak) eta Ikuskaritza (Kontrola). Beraz, 2007 Funtsen sistemaren bertsio eguneratua da.
Sistema berriak, aurretik existitzen ziren prozedurak emandako aldaketekin batera barne hartzeaz gain, hainbat nobedade sartuko du, horietako asko Administrazio Elektronikoaren kontzeptuarekin lotuta:
- Batzordeak exijitutako informazio osoa hartzea, programa eragile guztiak aurkezteko eta ondoren ontzat emateko. Nobedade gisa, informazio hori guztia egituratuko da eta ez da onartuko egituratu gabeko inolako dokumenturik eman (osagarrizko azalpen moduan izan ezik).
- Programa eragile bakoitzeko jarduera ildoekin lotutako informazioa hartzea eta mantentzea. Informazio hori oinarri moduan erabiliko da PE egiteko.
- Informazioa erkidegoko informazio sistemarekin elkar trukatzea (SFC 2014). Aipatutako sistemak ezarritako web zerbitzuen bidez egingo da. Elkar truke horrek barne hartuko du programa eragileak ontzat emateko eman behar den informazio guztia.
- Kudeaketan parte hartutako beste erakundeen informazio sistemekin informazioa elkar trukatzea. 2020 Funtsek hornitutako web zerbitzuen bidez egingo da.
- Ordainketa proposamenak elektronikoki izapidetzeko prozedura. Ondorio horretarako, Certex-ek hornitutako zerbitzuak erabiliko dira.