1. Preautorización:
O titular do órgano de xubilación deberá remitir á Subdirección Xeral de Xestión de Clases Pasivas, da Dirección Xeral de Custos de Persoal e Pensións Públicas, un formulario de "solicitude de acceso á aplicación JUBIL@", por cada unha das persoas da súa unidade que deban dispoñer de autorización de acceso ao sistema, indicando expresamente se son usuarios que haberán de estar autorizados para a sinatura electrónica do impreso "J".
O dito formulario foi aprobado como anexo II da Resolución do 18 de marzo de 2010, da Dirección Xeral de Custos de Persoal e Pensións Públicas (BOE 8/4/2010), e pódese obter nesta mesma epígrafe de
Información complementaria da oficina virtual do portal internet da Administración orzamentaria.
Unha vez concedida a preautorización, tanto o titular do órgano de xubilación coma cada un dos usuarios preautorizados recibirán, por correo electrónico, unha comunicación, informándoos dos pasos que han seguir para xestionar a alta como usuarios de JUBIL@, conforme ao procedemento de control de accesos ás bases de datos da Secretaría Xeral de Orzamentos e Gastos e da Intervención Xeral da Administración do Estado, establecido na normativa vixente en cada momento.