Autoridade de xestión:
- Programación inicial.
- Xestión financeira.
- Reprogramación.
- Arquivo dixital.
- Informes.
Autoridade de certificación:
- Operacións.
- Certificados de gasto.
- Declaracións de gasto.
- Cobros e repartimentos.
- Transferencias.
Cargas/Descargas masivas:
- De operacións e certificados da AC.
- De validacións e gastos da AG
- Descargas masivas.
Validación de gastos:
- Validación de gastos.
- Autorización de auditor.
- Certificacións de operación.
Controis.
Coordinación.
Como principais novidades funcionais neste marco 2007-2013, cabe indicar as seguintes:
- Potenciación do tratamento de controis (auditoría) sen detrimento dos aspectos de xestión e de certificación (pagamentos) nos que ata agora se fixo maior fincapé.
- Implementación dun sistema de arquivo dixital para incorporar neste todo tipo de información documental de natureza non estruturada.
- Utilización dos servizos web para facilitar os fluxos de información.
- Incorporación de facilidades de tratamento de información para dotar da maior autonomía posible os usuarios do sistema, con carácter adicional aos módulos de consulta especificamente desenvolvidos.
Profundando un pouco máis nalgún dos aspectos mencionados, prevese que os servizos web se utilicen para:
- Enviar información á Comisión.
- Cargar masivamente información sobre operacións e certificacións de gasto dos programas operativos en que a Dirección Xeral de Fondos Comunitarios (DXFC) actúa como autoridade de xestión (AX).
- Cargar masivamente validacións de gasto dos programas operativos para os que a DXFC é autoridade de certificación (AC).
- Descargar información dispoñible en Fondos 2007 para o seu tratamento posterior noutros sistemas externos.
- Relacionarse coa Axencia Tributaria e coa Seguridade Social.
Finalmente, as facilidades de tratamento de información consistirán en que:
- Todos os estados financeiros xerados polo sistema proporcionaranse en formato PDF e en HTML, para poder ser tratados con ferramentas de natureza ofimática.
- Existirán consultas específicas adicionais en formato HTML: Aquelas que aínda que poidan imprimirse non estean pensadas para facelo e non requiran un aspecto de cadro financeiro clásico.
- As cargas dende ficheiros externos realizaranse a través de ficheiros normalizados de intercambio de datos en formato XML e as descargas poderán solicitarse tanto en formato HTML coma en TXT (nalgúns casos, tamén en XML, cando o seu destinatario teña natureza informática).