INTRODUCCIÓN.
O sistema informático 2020 dá servizo integral á xestión dos Fondos Comunitarios no período 2014-2020, baseándose en tres piares funcionais: Xestión, Certificación (Pagamentos) e Auditoría (Control). Vén a ser, polo tanto, unha versión actualizada do sistema Fondos 2007.
O novo sistema ademais de incorporar os procedementos preexistentes coas modificacións que sufrisen, incorporará algunhas novidades, moitas delas relacionadas co concepto de Administración electrónica:
- Captura de toda a información esixida pola Comisión para a presentación e posterior aprobación de todos os programas operativos. Como novidade toda esta información será estruturada e non se permitirá achegar ningún tipo de documento non estruturado (agás como explicación complementaria).
- Captura e mantemento da información relativa ás liñas de actuación de cada programa operativo. Esta información servirá como base para a elaboración dos PO.
- Intercambio de información co sistema de información comunitario (SFC 2014). Efectuarase mediante servizos web establecidos polo devandito sistema. Este intercambio incluirá toda a información que é necesaria achegar para a aprobación dos programas operativos.
- Intercambio de información cos sistemas de información doutros organismos involucrados na xestión. Efectuarase mediante servizos web proporcionados por Fondos 2020.
- Procedemento de tramitación electrónica de propostas de pagamentos. Para tal fin, utilizaranse os servizos proporcionados por Certex.