• Se se trata dunha incidencia relacionada co acceso a Fondos 2020 (imposibilidade de entrada ao Portal da Administración orzamentaria na internet, desaparición da icona do escritorio personalizada do usuario ou problemas de entrada a través deste) ou dun problema que dificulte o normal uso da aplicación ou relativo ao servizo web Fondos2007SW ou á aplicación DocelWeb de sinatura electrónica, utilizarase o mecanismo de notificación á Unidade de Coordinación de Incidencias dos servizos de Informática Orzamentaria que se publica no propio Portal da Administración orzamentaria (no apartado "Notificación de incidencias" da páxina de identificación de usuarios que se mostra ao seguir a ligazón "Acceso aos sistemas de información" da páxina principal do portal).
• Se se trata dunha incidencia de carácter funcional (diferenzas de interpretación da normativa, descoñecemento do uso da aplicación, suxestión de mellora funcional…), notificarase mediante o envío dun correo electrónico aos responsables funcionais da Dirección Xeral de fondos Europeos a través da caixa de correo FondosFondos2020@sepg.hacienda.gob.es, especificando a palabra "XESTIÓN" no asunto da mensaxe..
• Se é unha incidencia causada por un funcionamento da aplicación incorrecto ou distinto do esperado (incluídos problemas relacionados cos ficheiros XML de cargas masivas) utilizarase a mesma vía que no caso anterior, é dicir, correo electrónico á caixa de correo
Fondos2020@sepg.hacienda.gob.es, especificando a palabra "DESENVOLVEMENTO" no asunto da mensaxe. O problema será canalizado en destino á División II de Aplicacións de Orzamentos e Fondos Europeos, responsable do deseño e construción da aplicación.
Para os efectos dunha maior eficacia na categorización e resolución das incidencias, os correos electrónicos notificando as relativas a "XESTIÓN" ou "DESENVOLVEMENTO" deberán, ademais de anexar todos os documentos que se consideren de utilidade, incluír no corpo da mensaxe a seguinte información:
- Nome
- Código de usuario
- Organismo ao que pertence
- Teléfono de contacto
- Medio de operación ("produción" ou "probas")
- Motivo da consulta
- Descrición dos arquivos que se anexan, se é o caso (por exemplo, pantallazos das mensaxes de erro recibidas, incluíndo a secuencia de operacións necesaria para reproducilas)
En calquera dos casos, se unha vez aberta a incidencia fose preciso conseguir máis información para a súa correcta identificación e resolución, serían os servizos de soporte os que se porían en contacto cos usuarios e non ao contrario.
A atención telefónica do servizo de soporte da Dirección Xeral de fondos Europeos (no número 91 583 73 51) quedará reservada ás situacións en que o correo electrónico non estea operativo.