CoFFEE plataformak Europako Funtsak kudeatzeko zerbitzua ematen du, 2021-2027ko urte anitzeko finantza-esparrutik abiatuta. Horren barruan sartzen dira bai EGEF (aurreko aldian 2020ko Funtsak eta 2020ko Coopera aplikazioak izan zituen), bai Europako Funtsen Idazkaritza Nagusiaren eskumenekoak diren beste funts eta mekanismo batzuk.
Eraikitze-prozesuan dagoen sistemak, oro har, kudeaketa-prozesuak ezartzen ditu, eta, hala, mekanismo generikoak berrerabiltzen dira. Gero, mekanismo horiek kudeatu beharreko funts edo mekanismo bakoitzaren errealitatera egokitzen dira.
Modu interaktiboan erabiltzeaz gain, interoperabilitate-zerbitzuen bidez, kudeaketan parte hartzen duten beste eragile eta erakunde batzuen sistemekin informazioa trukatzeko mekanismoak eskaintzen ditu plataformak.
Plataforma bakarra izan arren, haren modularizazioari esker aplikazioaren atalak bereiz kudea daitezke, eta horietako bakoitzak segurtasunaren kudeaketa eta sarbide-baimen independenteak ditu.
Halaber, CoFFEEk administrazio-modulu bat eskaintzen du, Europako Funtsen Idazkaritza Nagusiaren erabiltzaileei mugatua. Plataforma administratzeko eta euskarri-egiturak kudeatzeko funtzionalitateak ematen ditu.